“Beauty and Brains” ng UST, Cum Laude at Top 1 sa Certified Public Accountant Licensure Examination

“Beauty and Brains” ng UST, Cum Laude at Top 1 sa Certified Public Accountant Licensure Examination

Nagtapos si Jhoone Cyrelle DC Nacario ng kursong Bachelor of Science in Accountancy sa University of Sto. Tomas bilang cum laude noong 2020, pero hindi pala ito ang gusto niyang kunin nung nagkolehiyo. “Ang first choice ko po talaga is travel management. Pero nalaman ko na maraming memorization doon—which is not my strongest suit—kaya di ko po itinuloy.

“Nag-decide akong accountancy ang kunin kasi nae-enjoy ko yung math nung high school,” kuwento niya.

“Ginusto ko pong maging cum laude. Noong third year college po kasi, noon lang ako nakasama sa dean’s list. Dun ko lang na-realize na kaya ko naman pala. Kaya simula nun, naging goal ko na maging cum laude kaya hinila ko lang po talaga yung GWA [general weighted average] ko nung fourth and fifth year para umabot yung grades ko.”

Bukod sa pagiging maganda at pagiging cum laude, siya rin ang Top 1 sa May 2022 Certified Public Accountant Licensure Examination.

“Kasi I never prayed po talaga na mag-top ako, lalo na ang mag-Top 1. I just prayed na sana enough yung efforts ko para maging CPA ako. Thankfully, it was more than enough.”

Inaalay ni Jhoone ang lahat sa kanyang pamilya, “Five years ago po kami huling nagkita ng Mama ko. Pero dahil nag-top ako, umuwi siya at naka-attend ng graduation ko.”

Payo ni Jhoone sa mga nais kumuha ng CPA, “Accountancy is not all about math. Di mo kailangang maging sobrang talino. Need mo lang maging disciplined at maniwalang kaya mo.”