DSWD Educational Cash Assistance Posibleng gawing house to house extension ayon kay Sec. Erwin Tulfo

DSWD Educational Cash Assistance Posibleng gawing house to house extension ayon kay Sec. Erwin Tulfo

Pinag-aaralan ng Department of Social Welfare and Development (DSWD) ang posibilidad na palawigin ang pamamahagi ng educational assistance para sa mga kwalipikadong estudyante at magpatupad din ng house-to-house distribution.

Ang orihinal na plano ay tuwing Sabado lamang ang distribusyon hanggang Setyembre 24, pero ayon sa ahensya, maaaring mag-extend ng payout periods para maipamahagi ang kabuuang pondo na P1.5 bilyon.

Ayon kay DSWD Assistant Secretary Romel Lopez, maaari rin silang mamigay ng ayuda tuwing weekdays pero para lamang sa ilang rehiyon.

“Hindi lang namin maipangako na in all regions would be the same kasi kanya kanya na demands o kumbaga uniqueness ‘yung ating region that’s why we’re giving them a free hand to come up with an effective system to better serve our clients,” ayon kay Lopez sa panayam

Isa pa sa plano ng DSWD ay magbahay-bahay para mas mabilis na maipamigay ang cash aid lalo na para sa mga estudyanteng walang internet access at hindi makapagpa-rehistro online.

Matapos dumugin ang ahensya sa unang bugso ng bigayan ng ayuda noong Setyembre 20, nagpatupad ng polisiya ang DSWD na bawal na ang walk-in, at ang tatanggapin na lamang ay ang mga nag-register online at nakatanggap ng text confirmation.

Sinabi ni DSWD Assistant Secretary Romel Lopez na inilalaan ng ahensya ang P1.5 bilyon para sa programa at ipamahagi lamang ang cash aid sa susunod na apat na Sabado o hanggang Setyembre 24.

“If we still have the funds, we’re not discounting the possibility of extending the payout periods for our kababayans,” saad ni Lopez sa isang interview.

Sinabi rin niya na titingnan ng ahensya ang paghahatid ng cash aid, ngunit sa mga piling rehiyon lamang.

Sinabi din ni Lopez na ang DSWD ay nagtakda ng payout tuwing Sabado dahil pinangasiwaan din ng ahensya ang iba pang mga programa tulong tulad ng tulong medikal, burial aid, at iba pa.

Para mas mapabilis ang pamamahagi, sinabi ni Lopez na maaaring tingnan din ng DSWD ang pamamahagi ng tulong sa bahay-bahay, lalo na sa mga walang access sa internet at hindi makapagparehistro online.

Triple na ang budget ng DSWD (P1.5Billion) para sa educational assistance para sa mga students.