Isang Ama na Nawalan Ng Trabaho, Naglalakad sa kahabaan ng Commonwealth Avenue dala ang Resume upang Maghanap ng Trabaho.


Kapag isa kang magulang, lahat ay gagawin mo para sa iyong pamilya. Mas marami ang mahihirap nating kababayan at lalo pang nadaragdagan ngayon dahil sa pandemyang ating kinakaharap.

Maraming trabaho ang nawala at nagsarang mga establisyemento, Paano na kaya ang mga taong lubusang apektado nito?

Napabalita kamakailan ang naging karanasan ni tatay Ronel Cimafranca, 35 taong gulang at isa sa maraming Pilipino na naapektuhan ng pandemyang ito.

Nilalakad umano ni Tatay Ronel ang kahabaan ng Commonwealth Avenue habang dala-dala ang kanyang resume, sa pag-asang makakahanp ng trabaho sa kanyang madadaanang kompanya.

Nagsara daw ang pinapasukan niyang construction company kaya naman umaasa siyang makaka-ekstra sa mga madadaanang constructions sites.

Kwento ni tatay Ronel, pinaalis ang kanyang pamilya sa inuupahang apartment dahil hindi sila nakapagbayad ng renta.

Sa ngayon ay nakikituloy muna sila ng kanyang asawa at dalawang anak sa bahay ng kanyang biyenan.

Sa Facebook page ng GMA Public Affairs, makikita ang GCASH number kung saan maaaring mag-abot ng tulong kay tatay Ronel.