Lolo na Binebenta Ang Kanyang Bike: “Wala na po kasi kami kakainin. Pangkain namin ngayon”

Lolo na Binebenta Ang Kanyang Bike: “Wala na po kasi kami kakainin. Pangkain namin ngayon”

Sa labis na kahirapan na nararanasan ay isang matandang lalaki ang ibinenta ang kanyang bisekleta sa gilid ng kalsada. Nag-viral ang kanyang larawan dahil sa istorya sa likod nito. Ibinahagi ni King Robert Heredia sa social media ang arawan ni Lolo na kinaantigan ng mga netizens. Ayon kay Lolo, hindi umano siya sinipot ng buyer ng bike kaya naisipan niyang magpaskil ng ‘for sale’.


Wala umano kasing kakainin ang pamilya ni Lolo kaya ibinebenta niya ang kanyang bisekleta. “Wala na po kasi kami kakainin. Pang kain namin ngayon. Di kasi ako sinipot nung bibili ngayon, baka may gusto bumili kaya nag pwesto ako dito,” ani ni Lolo.

Narito ang kabuuang post:

“BIKE NI LOLO FOR SALE” walang bawas na salita:

T: Lo, Magandang hapon po. Magkano nyo po binebenta ang bike?

Lolo: 1500 po sir

T: Taga san po kayo lo?

Lolo: Diyan lang po sa Cataquiz sa bayan po

T: Bat nyo po binebenta? edi wala na po kayong bike?

Lolo: Wala na po kasi kami kakainin. Pang kain namin ngayon. Di kasi ako sinipot nung bibili ngayon, baka may gusto bumili kaya nag pwesto ako dito.


Naluha nalang ako, wala rin kasi ako maibigay kahit barya. napadaan lang kasi ako. Kaya ipopost ko nalang po ito. SAna may tumulong o bilin ang bike ni Lolo Marcelo 75 y.o na taga Cataquiz San Pedro Laguna. Nakaupo sa gilid ng kalsada ng Brgy. Cuyab San Pedro ngayon kanina alas 3 ng hapon.”

Samantala, dahil sa mabilis na pagkalat ng mga larawan ng matanda, umabot ito sa pamahalaang lungsod ng San Pedro Laguna at agad siyang nabigyan ng tulong. Kinilala ang matanda na si lolo Marcelo.



Ayon sa post, “nakapag-abot ang ating Pamahalaang Lungsod ng Livelihood Program, Financial Assistance at mga Grocery Bags para sa kanya ngayong araw, Agosto 25, 2022 sa San Pedro City Hall.”