Mag-ama sa Quezon, Binawian ng Buhay Matapos Tamaan ng Kidlat

Mag-ama sa Quezon, Binawian ng Buhay Matapos Tamaan ng Kidlat

Binawian ng buhay ang mag-ama matapos tamaan ng kidlat habang naghahapunan sa Catanauan, Quezon nitong nagdaang Huwebes, Hulyo 28, 2022.

Ayon sa ulat ng mga awtoridad, kasagsagan ng malakas na ulan bandang alas-8:00 ng gabi noong Huwebes nang biglang tinamaan ng kidlat ang mag-amang sina Jomar Funtilar, 37, at anak nitong si Jona Funtilar, 9, habang naghahapunan sa Barangay Tagbacan Ilaya, Catanauan, Quezon.

Nagtamo ng mga sugat at paso sa katawan ang mga biktima na naging dahilan ng kanilang pagpanaw.

Samantala, humihingi naman ng tulong pinansyal ang pamilya ng mga biktima para sa pagpapalibing sa mga ito.