Masayang Graduation, Napalitan ng Lungkot Nang Ubusin ng Sunog Ang Kanilang Bahay!

Masayang Graduation, Napalitan ng Lungkot Nang Ubusin ng Sunog Ang Kanilang Bahay!

Isang graduate ng Business Management na si Jessica Flegueras, ang nag post sa kanyang facebook ng nakapanlulumong kwento na nangyari kasabay mismo sa araw ng dapat ay nagdiriwang ang kanyang pamilya dahil sya ay nagtapos ng kolehiyo, ngunit ng araw na iyon ay nasunugan din sila ng bahay at walang kahit ano ang natira.


Bago mangyari ang sunog ay masaya pa ang magulang ni Jessica at isinuot pa nila ang toga ng anak patunay na nakapagpa graduate na sila ng iaang anak.

“Graduation ko kahapon, kasabay nun nasunugan kami.. as in lahat.

“Ang ganda ng wall ko pati mga stories dahil puro graduation, puro congrats at ayoko manira ng moments kahapon kaya di ako nagsabi agad.

“Sobrang saya ko kase after 7 yrs of waiting nakagrad din ako ng college, nag stop ako ng isang taon, pumasok ng shs, at nag college. Sabi ko ang swabe ng buhay ko kahit late ako, nakapag aral ako ng libre sa SJCQC nung shs, tapos sa PLV ng libre uli, grabeng surprise naman to, sobrang surprise.
“Ok lang sakin na lumilikas kami sa valnat tuwing may bagyo, malakas ulan kase alam namin may uuwian pa din kami. Pero ngayon wala na kaming uuwian.



“Wala kong picture ng naka toga kase, kakarating lang namin sa venue nung tinawagan kami. Wala pang 20mins nung nakipag picturan ako sa mga kaibigan ko, tapos ganon. Gusto ko sanang umuwi kaso wala na daw, pinilit kong antayin at akyatin sa stage yung diploma ko kase graduation ko pa din naman, Sobrang sakit. Hindi ako masaya sa araw ng graduation ko.

“Ayoko sana humingi ng tulong kase di bagay sa personality ko, ayokong shinashare and down moments ko, pero kailangan ko talaga ngayon. Di ko alam san kami magsisimula. Kahit anong tulong, personal hygiene, pagkain, damit at monetary. Sa mga magaabot po ng tulong, nandito po kami sa Valenzuela National High School.


“At kung may maooffer po kayong work, kahit extra lang po, willing po ako pumasok agad, nasunog po yung mga requirements ko sa school pati yung mga kinuha kong requirements SSS, Pagibig, Police clearance, first time job seeker cert at iba pa) kung pwede pong to follow up nalang. Salamat po.”