Sharon Cuneta itinaboy ng doorman sa Hermes Store sa South Korea


Hindi naitago ni Sharon Cuneta ang kanyang pagkadismaya sa pagtrato na kanyang natanggap mula sa Hermes store sa South Korea.

Sa kanyang vlog, ibinahagi ni Sharon ang hindi pagpapasok sa kanya ng doorman ng nasabing store na sa tingin ng mag netizen ay dahil sa simpleng pananamit ng megastar.

“Gusto kong bumili ng sinturon sa Hermes, ayaw ako papasukin,” natatawang sambit ni Sharon.

Dahil dito ay pumunta na lamang sa Louis Vuitton ang megastar upang doon ilabas ang kanyang sama ng loob.

Naging maganda naman ang pakikitungo ng mga taga Louis Vuitton kay Sharon kaya binigyan niya ito ng champagne at flowers.

Makikita pa na hindi nakalimutan ni Sharon na dumaan muli sa Hermes store upang ipakita sa doorman na humarang sa kanya kung gaano kadami ang binili niya sa Louis Vuitton.

Kinawayan pa ng megastar ang doorman.

Ilang netizen naman ang sinabi na hindi lang si Sharon ang nakakaranas ng ganoong klaseng pagtrato sa South Korea.

“In Korea they judge you based on your looks and what you’re wearing. Di ka pinapasok sa Hermes Ate Shawie kasi akala nila wala ka pera tapos foreigner pa. Yan ang dark side ng Korea.” sabi ng isang netizen.

“They will judge the way you look and discriminate you. I don’t know why some people are so fond of this lux brand. LV is wayyy better even though the CA’s  doesn’t make much commissions yet they will give you a top notch customer service.”  sabi pa ng isang fan ni Sharon.